- 專輯介紹
- 歌詞
- 專輯列表
- 歌手介紹
黃妃
-
雪咧飛
作詞:方文良 作曲:方文良 編曲:林意霖 Yeelin
誰遮孽 將阮鎖佇咧夢內底 若像痟的 貧惰講話 反正解說 攏加講的 你無資格 誰有資格 害我愛甲遮狼狽 哭敢若笑 清醒像昏迷
免會失禮 予我恨你恨甲澈底 攏你講的 有緣無份 我欣羨你 攏袂歹勢 敢會後悔 按怎後悔 後悔我學袂曉反背 求你好心 讓一條路 予我過
這馬已經是幾月 七夕毋是拄才過 為何越頭窗外 刺目甲 若像咧落雪
雪佇咧飛 滿天滿地 攏是你美麗的白賊話 甘願青盲 就看袂到你詛咒過的愛情 水甲遐爾假
雪佇咧飛 若億萬張 寄袂出去無寫字的批 用思念控訴你 經過我的天地 教我癡心癡迷 沒教我清醒
這個世界 孤單甲 賰我一個 緣份結冰斷做兩橛 女人的心 軟甲 袂堪咧壓 破碎了用啥來止血
------------------------------------------
8721/《雪咧飛》Seh Teh Pue 黃妃N̂g Hui
誰遮孽 siáng tsiah gia̍t 將阮鎖佇咧夢內底 tsiong gún só tī-leh bāng lāi-té 若像痟的 ná-tshiūnn siáu--ê 貧惰講話 pûn-tuānn kóng-uē 反正解說 huán-tsìng kái-sueh 攏加講的 lóng ke kóng--ê 你無資格 lí bô tsu-keh 誰有資格 siáng ū tsu-keh 害我愛甲遮狼狽 hāi guá ài kah tsiah liông-puē 哭敢若笑 khàu kánn-ná tshiò 清醒像昏迷 tshing-tshínn tshiūnn hūn-bê
免會失禮 bián huē-sit-lé 予我恨你恨甲澈底 hōo guá hūn lí hūn kah thiat-té 攏你講的 lóng lí kóng--ê 有緣無份 ū-iân bô-hūn 我欣羨你攏袂歹勢 guá him-siān lí lóng buē pháinn-sè 敢會後悔 kám ē hiō-hué 按怎後悔 án-tsuánn hiō-hué 後悔我學袂曉反背 hiō-hué guá o̍h buē-hiáu huán-puē 求你好心 kiû lí hó-sim 讓一條路予我過 niū tsi̍t-tiâu lōo hōo guá kuè
這馬已經是幾月 tsit-má í-king sī kuí--gue̍h 七夕毋是拄才過 tshit-si̍k m̄-sī tú-tsiah kuè 更多更詳盡歌詞 在 ※ Mojim.com 魔鏡歌詞網 為何越頭窗外 uī-hô ua̍t-thâu thang-guā 鑿目甲 tsha̍k-ba̍k kah 若像咧落雪 ná-tshiūnn teh lo̍h-seh
雪佇咧飛 seh tī-leh pue 滿天滿地 muá-thinn muá-tē 攏是你美麗的白賊話 lóng-sī lí bí-lē ê pe̍h-tsha̍t-uē 甘願青盲 kam-guān tshinn-mê 就看袂著 tiō khuànn buē-tio̍h 你咒誓過的愛情 lí tsiù-tsuā--kuè ê ài-tsîng 媠甲遐爾假 suí kah hiah-nī ké
雪佇咧飛 seh tī-leh pue 若億萬張 ná ik-bān tiunn 寄袂出去 kià buē tshut-khì 無寫字的批 bô siá-jī ê phue 用思念控訴你 iōng su-liām khòng-sòo lí 經過我的天地 king-kuè guá ê thinn-tē 教我痴心痴迷 kà guá tshi-sim tshi-bê 無教我清醒 bô kà guá tshing-tshénn ---
這个世界 tsit ê sè-kài 孤單甲賰我一个 koo-tuann kah tshun guá tsi̍t-ê 緣份結冰斷做兩橛 iân-hūn kiat-ping tn̄g tsuè nn̄g-kue̍h 女人的心 lú-jîn ê sim 軟甲袂堪得硩 nńg kah buē-kham-leh teh 破碎了 phò-tshuì--liáu 用啥來止血 iōng siánn lâi tsí-hueh
雪佇咧飛 seh tī-leh pue 滿天滿地 muá-thinn muá-tē 攏是你美麗的白賊話 lóng-sī lí bí-lē ê pe̍h-tsha̍t-uē 甘願青盲 kam-guān tshinn-mê 就看袂著 tiō khuànn buē-tio̍h 你咒誓過的愛情 lí tsiù-tsuā--kuè ê ài-tsîng 媠甲遐爾假 suí kah hiah-nī ké
雪佇咧飛 seh tī-leh pue 若億萬張 ná ik-bān tiunn 寄袂出去 kià buē tshut-khì 無寫字的批 bô siá-jī ê phue 用思念控訴你 iōng su-liām khòng-sòo lí 經過我的天地 king-kuè guá ê thinn-tē 教我痴心痴迷 kà guá tshi-sim tshi-bê 無教我清醒 bô kà guá tshing-tshénn
- 感謝 W.B. Chen 修正歌詞
- 友站連結: W.B. Chen
|