- Album Intro
- Lyrics
- Album list
大愛劇場 迎風而立
-
守護(荒山亮)
大愛劇場 迎風而立 主題曲
Lyricist:荒山亮 Composer:荒山亮 Arranger:三秒
行過沒人行過的路 體會沒人知的苦 一路搖搖晃晃的找啊找 後一站的旅程置哆 春天寄來的彼張批 寫著滿滿的心聲要傾訴 青春的勇氣帶你飛啊飛 要找自己的快樂幸福
人生的路 一步一步 行過考驗的起起落落 有時好天 有時透風落雨 認真感受生命的溫度 人生滋味 有甜有苦 鹹淡都置在自己手中 有一種愛 一直為你在守護 在茫茫人海浮沉 抹擱再迷茫
春天寄來的彼張批 寫著滿滿的心聲要傾訴 青春的勇氣帶你飛啊飛 要找自己的快樂幸福
人生的路 一步一步 行過考驗的起起落落 有時好天 有時透風落雨 認真感受生命的溫度 人生滋味 有甜有苦 鹹淡都置在自己手中 有一種愛 一直為你在守護 在茫茫人海浮沉 抹擱再迷茫
紛紛擾擾的喧鬧中 我看著溫柔寬容的笑容 望你會平安 望你會成長 笑笑面對所有的煩惱 笑笑面對所有的成功
------------------------------------------
21173/《守護》Siú-hōo 荒山亮Hong-san Liāng
行過無人行過的路 kiânn kuè bô-lâng kiânn--kuè ê lōo 體會無人知的苦 thé-huē bô-lâng tsai ê khóo 一路搖搖幌幌 tsi̍t-lōo iô-iô-hàinn-hàinn 咧揣啊揣 teh tshuē--ah tshuē 後一站的旅程佇佗 āu tsi̍t-tsām ê lú-tîng tī toh
春天寄來的彼張批 tshun-thinn kià--lâi ê hit tiunn phue 寫著滿滿的心聲 siá tio̍h muá-muá ê sim-siann 咧傾訴 leh khing-sòo 青春的勇氣 tshing-tshun ê ióng-khì 𤆬你飛啊飛 tshuā lí pue--ah pue 欲揣家己的快樂幸福 Find more lyrics at ※ Mojim.com beh tshuē ka-tī ê khuài-lo̍k hīng-hok
人生的路 jîn-sing ê lōo 一步一步 tsi̍t-pōo-tsi̍t-pōo 行過考驗的起起落落 kiânn kuè khó-giām ê khí-khí-lo̍h-lo̍h 有時好天 ū-sî hó-thinn 有時透風落雨 ū-sî thàu-hong lo̍h-hōo 認真感受性命的溫度 jīn-tsin kám-siū sìnn-miā ê un-tōo
人生滋味 jîn-sing tsu-bī 有甜有苦 ū tinn ū khóo 鹹汫攏佇家己手中 kiâm-tsiánn lóng tī ka-tī tshiú-tiong 有一種愛 ū tsi̍t-tsióng ài 一直為你咧守護 it-ti̍t uī lí teh siú-hōo 佇茫茫人海浮沉 tī bâng-bâng jîn-hái phû-tîm 袂閣再迷茫 buē koh-tsài bê-bông
春天寄來的彼張批 tshun-thinn kià--lâi ê hit tiunn phue 寫著滿滿的心聲 siá tio̍h muá-muá ê sim-siann 欲傾訴 beh khing-sòo 青春的勇氣 tshing-tshun ê ióng-khì 𤆬你飛啊飛 tshuā lí pue--ah pue 欲揣家己的快樂幸福 beh tshuē ka-tī ê khuài-lo̍k hīng-hok ---
紛紛擾擾的喧鬧中 hun-hun-jiáu-jiáu ê suan-nāu tiong 我看著溫柔 guá khuànn-tio̍h un-jiû 寬容的笑容 khuan-iông ê tshiò-iông 望你會平安 bāng lí ē pîng-an 望你會成長 bāng lí ē sîng-tióng 笑笑面對所有的煩惱 tshiò-tshiò bīn-tuì sóo-ū ê huân-ló 笑笑面對所有的成功 tshiò-tshiò bīn-tuì sóo-ū ê sîng-kong
- Special thanks to W.B. Chen for correcting the lyric.
- Related Links: W.B. Chen
|