- Album Intro
- Lyrics
- Album list
五樓那些日子
-
神歌
Lyricist:陳融 Composer:陳融
手攑三欉清香 對著天頂咧拜 金紙一束一束 好運當時會來 神明敢有起工 敢有保庇實在你也毋知 啊算啦算啦什麼疑難雜症提提總來
阿妹仔想欲重巡 阿弟頭頂咧落毛 阿爸想欲雲遊四海 阿娘煮飯凊凊采采
阿公發痔瘡 坐落會流湯 神明佮童乩較贏彼台大醫科 桌頭咧唸詩 喙裡含滷卵 全世界攏聽有 賰我一个捎攏無
著大聲喝著保庇保庇哦 香油做你扲去扲去哦 著大聲喝著保庇保庇哦 香油做你扲去扲去哦
人生的路途著愛有神明 無影咧靠家治 你所有的總總攏是伊的恩賜 知無知無 囡仔人啊有耳無喙 恬恬啊佇邊仔徛予直 是毋通共恁阿媽落氣 落氣 若無連鞭竹仔枝是無留情面 呀喂
著大聲喝著保庇保庇哦 香油做你扲去扲去哦 著大聲喝著保庇保庇哦 香油做你扲去扲去哦
媽祖婆啊五府千歲 觀世音菩薩玉皇大帝 元始天尊天篷元帥 王爺公祖玄天上帝 太上老君月下老人 關聖帝君福德正神 不孝信徒有事相求 保庇事業閣兼顧愛情 向望紅嬰仔好育飼 序大人食百二 飼狗仔袂亂吠 飼貓仔咬鳥鼠 行出門抾著錢 睏中晝夢牌支 雙雙對對 萬年富貴
------------------------------------------
22237/《神歌》Sîn Kua 五樓那些日子樂團
手攑三欉清香 tshiú gia̍h sann-tsâng tshing-hionn 對著天頂咧拜 tuì tio̍h thinn-tíng teh pài 金紙一束一束 kim-tsuá tsi̍t-sok-tsi̍t-sok 好運當時會來 hó-ūn tang-sî ē lâi 神明敢有起工 sîn-bîng kám ū khí-kang 敢有保庇 kám ū pó-pì 實在你也毋知 si̍t-tsāi lí iā m̄-tsai
啊算啦算啦 ah suán--lah suán--lah 啥物疑難雜症 siánn-mih gî-lân tsa̍p-tsìng 提提總來 the̍h-the̍h tsóng-lâi 阿妹仔想欲重巡 a-mē-á siūnn-beh tîng-sûn 阿弟頭頂咧落毛 a-ti thâu-tíng teh lak mn̂g 阿爸想欲雲遊四海 a-pa siūnn-beh hûn-iû sù-hái 阿娘煮飯凊凊彩彩 a-niâ tsú-pn̄g tshìn-tshìn-tshái-tshái 阿公發痔瘡 a-kong huat tī-tshng 坐落去會流湯 tsē--lueh ē lâu thng 神明佮童乩 sîn-bîng kah tâng-ki 較贏彼臺大醫科 khah iânn he Tâi-tāi i-kho
桌頭咧唸詩 toh-thâu teh liām si 喙裡含滷卵 tshuì--lín kâm lóo-nn̄g 全世界攏聽有 tsuân sè-kài lóng thiann-ū 賰我一个捎攏無 tshun guá tsi̍t-ê sa lóng bô
著大聲喝著 tio̍h tuā-siann huah tio̍h 保庇保庇喔 pó-pì pó-pì--ooh 香油做你 hionn iû tsuè lí 扲去扲去喔 Find more lyrics at ※ Mojim.com gīm--khì gīm--khì ooh 著大聲喝著 tio̍h tuā-siann huah tio̍h 保庇保庇喔 pó-pì pó-pì--ooh 香油做你 hionn iû tsuè lí 扲去扲去喔 gīm--khì gīm--khì ooh
人生的路途 jîn-sing ê lōo-tôo 著愛有神明 tio̍h-ài ū sîn-bîng 無影咧靠家己 bô-iánn teh khò ka-tī 你所有的攏總 lí sóo-ū ê lóng-tsóng 攏是伊的恩賜 lóng-sī i ê un-sù 知無知無 tsai--bô tsai--bô
囡仔人啊 gín-á-lâng--ah 有耳無喙 ū-hīnn bô-tshuì 恬恬仔佇邊仔徛予直 tiām-tiām-á tī pinn--á khiā hōo ti̍t 是毋通共恁阿媽落氣 sī m̄-thang kā lín a-má làu-khuì 落氣 làu-khuì 若無 nā-bô 連鞭竹仔枝 liâm-mi tik-á-ki 是無留情面 sī bô lâu tsîng-bīn 嘢喂 iah-uê
著大聲喝著 tio̍h tuā-siann huah tio̍h 保庇保庇喔 pó-pì pó-pì--ooh 香油做你 hionn iû tsò lí 扲去扲去喔 gīm--khì gīm--khì ooh 著大聲喝著 tio̍h tuā-siann huah tio̍h 保庇保庇喔 pó-pì pó-pì--ooh 香油做你 hionn iû tsò lí 扲去扲去喔 gīm--khì gīm--khì ooh
媽祖婆仔 Má-tsóo-pô--á 五府千歲 Ngóo-hú-tshian-suè 觀世音菩薩 Kuan-sè-im-phôo-sat 玉皇大帝 Gio̍k-hông-tāi-tè 元始天尊 Guân-sú-thian-tsun 天篷元帥 Thian-pông-guân-suè 王爺公祖 Ông-iâ-kong-tsóo 玄天上帝 Hiân-thian-siōng-tè 太上老君 Thài-siōng-nóo-kun 月下老人 Gua̍t-hā-nóo-jîn 關聖帝君 Kuan-sìng-tè-kun 福德正神 Hok-tik-tsìng-sîn 不孝信徒有事相求 put-hàu sìn-tôo iú-sū siong-kiû 保庇事業 pó-pì sū-gia̍p 閣兼顧愛情 koh kiam-kòo ài-tsîng
向望紅嬰仔好育飼 ǹg-bāng âng-inn-á hó-io-tshī 序大人食百二 sī-tuā-lâng tsia̍h pah-jī 飼狗仔袂亂吠 tshī káu-á bē luān puī 飼貓仔咬鳥鼠 tshī niau-á kā niáu-tshí 行出門抾著錢 kiânn tshut-mn̂g khioh-tio̍h tsînn 睏中晝夢牌支 khùn tiong-tàu bāng pâi-ki 雙雙對對 siang-siang-tuì-tuì 萬年富貴 bān-nî hù-kuì
- Special thanks to W.B. Chen for correcting the lyric.
- Related Links: W.B. Chen
|